Efnisorð
Aðalréttur, Einfalt, Fljótlegt, Kjúklingur, Kryddað, Kvöldmatur
Þetta er einn uppáhalds kjúklingarétturinn minn, ótrúlega góður og gerist ekki einfaldari. Þessi réttur hefur alltaf slegið í gegn hjá öllum sem hafa smakkað hann og ekki skemmir fyrir að hann er mjög hollur og stútfullur af próteini.
Taco-kjúklingur með kotasælu
4 kjúklingabringur
1 krukka taco sósa
300-400 gr kotasæla
Salt
Svatur pipar
Paprikuduft
Chili-duft
Ég byrja á því að hreinsa kjúklingabringurnar og skera þær í nokkuð stóra bita. Bitarnir eru steiktir á pönnu og kryddaðir með salti, svörtum pipar, paprikudufti og chilidufti. 
Þegar þeir eru næstum steiktir í gegn er tacosósu og kotasælu bætt á pönnuna og hrært vel saman. Þetta er svo látið malla í um 10 mínútur eða þar til kjúklingurinn er eldaður í gegn. 
Við höfðum hrísgrjón, bygg, sýrðar gúrkur og ferskt salat með mangó með réttinum en það er líka mjög gott að hafa naan-brauð eða jafnvel pasta með kjúklingunum. Sósan er alveg sjúklega góð og var bókstaflega sleikt upp til agna af pönnunni. 
Ég mæli eindregið með að prófa að elda þennan rétt, hann er alveg frábær til að útbúa á virku kvöldi þegar mann langar í eitthvað, hollt, gott en líka mjög fljótlegt.
-Dóra Sigga-
Matargleði 